नेपाली र अंग्रेजी मिति बुझौँ

एउटै दिनको नेपाली र अंग्रेजी मिति फरक हुन्छ। नेपालका धेरै कागजातमा विक्रम संवत् (वि.सं.) प्रयोग हुन्छ। विदेशका वा अन्तर्राष्ट्रिय फाराममा भने अंग्रेजी मिति (ई.सं.) मागिन सक्छ। त्यसैले मिति राख्नुअघि कुन पात्रोको मिति चाहिएको हो, हेर्नुहोस्।

वर्षमा ५७ थपघट गरेर मात्र किन मिल्दैन?

नेपाली नयाँ वर्ष अप्रिलको मध्यतिर पर्छ। नेपाली महिनामा कति दिन हुन्छ भन्ने पनि वर्षअनुसार फरक हुन्छ। त्यसैले वर्षमा ५७ थप्दै वा घटाउँदैमा सही मिति आउँदैन। ठ्याक्कै मिति निकाल्न प्रत्येक महिनाको दिनसङ्ख्याको तालिका र थाहा भएको एउटा आधार मिति चाहिन्छ।

वर्ष, महिना र गतेको क्रम खुलाउनुहोस्

यहाँ वर्ष, महिना र गते छुट्टाछुट्टै राखिन्छ। २०८२-०१-०१ जस्तो नतिजामा क्रम वर्ष–महिना–गते हुन्छ। “०४/०५” मात्र लेख्दा देशअनुसार ४ मे वा ५ अप्रिल बुझिन सक्छ। मिति कपी गर्दा वि.सं. वा ई.सं. कुन हो भन्ने पनि खुलाउनुहोस्।

कुन अवधिका मिति बदल्न मिल्छ?

यहाँ वि.सं. १९७५-०१-०१ देखि २०९९-१२-३० (ई.सं. १९१८-०४-१३ देखि २०४३-०४-१३) सम्मको तालिका छ। यसबाहिरका मिति राखेमा अनुमानित नतिजा दिइँदैन। भविष्यको मिति प्रयोग गर्दा त्यस वर्षको प्रकाशित पात्रोसँग पनि जाँच्नुहोस्।

मिति निकाल्ने विधि र स्रोत पढ्नुहोस्